Con il viso all’indietro risoluto,
tu corri avanti senza dir parola,
là, dove l’eco tua parla e consola,
che fosti così grande e sconosciuto.

Sei caduto sul campo di battaglia,
là, forse sulla spiaggia o sulla riva;
è ignoto il luogo che gridasti: evviva!…
senza piastrino, senza medaglia.

Qui, gli eserciti armati, i reggimenti,
tutti, rendono onore alla tua bara,
inneggiando dietro la fanfara,
gagliardi e fieri d’animati accenti.

Ognuno accanto te ripone un giglio,
ignaro della spoglia tua adorata,
ed una madre piange inginocchiata,
piange invocando il nome di suo figlio.

Il tuo caro sembiante ond’era prima,
dietro un’ombra santa tiene ascoso;
sei grande veramente, valoroso
degno di lode e di fraterna stima.

Fra gli Angeli volasti sorridente;
di gloria è coronata la tua fronte:
dal dì che per mercè forse sul fronte
così caduto, vivi eternamente.

Quandu caminavamu nte viali
di ncodhu nd’arrivava lu zzi Peppi(1);
tutti na manata di majali,
mannaja cù di nui, mmerdi nò n’eppi.

Poi, di la puzza nò vi dicu nenti,
mancu la notti si potia dormiri
ca chidhu fetu tantu puzzulenti
facia mu si rivigghianu l’agghiri.

E, la malaria a tutti consumava,
a tutti ndi mentia sutta cumbogghia,
li denti cu la barva nd’abballava
e nudhu si fidia mu si la sbrogghia.

Li ruvettara, supa i ceramidi(2)
venianu inta puru d’u fanò(3),
e nomi, di sti così cù ndi vidi?
dicitutu s’è veru o puru nò.

Lu potestà di poi ndi fici belli,
la turri, ù municipiu e lu mercatu,
li strati fici tutti di petrelli,
lu nomu soi pè sempri m’è lodatu.

Nà ndi vidimu cchiù cacaturi,
mo simu sarvi nui pajisani
ca tutti quanti sti fognaturi
cogghinu mmerdi e d’acqui chiovani.

Si canuscimu lu beni fattu,
a stu signuri damu la manu
ca sarvau a tutti dh’arredu a frattu
e puru a nuatri d’inta ‘lu chianu.

E ringraziamulu a chistu Signori
e puru a Deo chi ndi lu mandau;
ndi parijau di rosi e di fiori,
nu Paradisu cca diventau.

E m’abellisci stu Paradisu
puru la luci vozzi portà;
nui mò cantamu cu nu sorrisu
viva Dinami e lu potestà.

E, nta ssi strati ndi hiacchi ‘zanghi(1)
finna c’arrivi dh’a lu lavuru;
d’undi ti sbidhi e d’undi mpalanghi,(2)
sempi tagghiandu, sempi a lu scuru.
mancu lanterna nd’hai mu t’adhuci
pe’ quantu è randi chissa to’ cruci.

Appena arrivi ti menti all’anta,(3)
senza tempu mu pigghi rihiatu,
comu pisti, la vita si ncanta
ca di lu friddu si mpassulatu;
ti tremanu, barva e gangolari(4)
e l’amaru t’affretti a zappari.

Mini e ti sforzi pemmu coddiji,
pista e ripista nta chissa crita,
s’u tempu teni, tu ti ricriji,
no’ nceni megghiu di chissa vita.
Quandu d’u’ friddu no’ si po’ stari
no’ nceni megghiu di lu zappari.

Ma vidi ‘u tempu chi sindicala.,
senti ca rumba, vidi ca lampa
e poi zappandu cu la scihala(5)
smaledici ‘cu voli mu campa.
Comu t’arrunchi moni chi chiovi
no’ nti fidi cchiù mu ti movi.

Ti sputtarrija puru ‘a gramigna,
comu la cacci ti hiuhhi l’ugni,
guarda chi razza di fruscia tigna,
cchiù no’ coddiji, a vogghia mu ncugni;
è la gramigna ‘na siccatura
mu hiuhhi l’ugni senza calura.

A menzijornu t’assetti e mangi,
ampri ‘u sarvettu cu’ beni i’ Deu
e povaredhu ti veni ‘u ciangi(6)
comu vidi ch’è pani moneu,
comi lu guardi ti doli a testa
ca nd’assimighia quasi a ‘na bresta(7)

Ntantu si jetti na muzzicata,
ringrazzi ‘u celu cu’ lu Signuri
ca t’u’ mandau chista jornata
mu campi puru a menzu lu gnuri;
ca nsemaddeu era cchiù peju
si no’ nd’avivi nu tozzuleju.

Lu voti e giri doppu lu mbutti
e li gringi(8) li senti abbampati
e quandu vai pemmu l’agghiutti
no’ ncala mancu cu’ scupettati;
e pemmu cali lu muzzicuni
pigghi e mbivi acqua di lu cafuni.(9)

doppu cali ddù mazzicati,
ormai si gurdu ti poi levari
ca li gudedha l’hai mbarazzati
tantu mbuttasti di lu mangiari.
Mo’ si cchiù forti di na patata
voti lu mundu cu’ na ‘zappata.

Levati, torna, pigghia u’ zappuni
e mina forti comu n’agriju(10)
pemmu li straji li muzzicuni
chi ti mangiasti cu nu disiju;
e pista, pista mu digerisci,
moni si forti...cchiù no’ ti ncrisci.

No’ diri cchiù ca sini di stuppa
mo’ chi lu stomacu è rimporzatu,
ca ti mangiasti na bella suppa...
Pani nigru cu d’acqua ammogghiatu,
e mina forti no’ fari ‘a vacca
ca nd’hai la trippa quantu mu hiacca.

E pista pista finna a la sira
nta chissa crita tuttu zangatu,
vorrissi ‘u ciucciu pemmu ti tira
tanti di terra sini mprattatu;
e cedi ch’è ura, posa u’ zappuni,
annettati scarpi e cozettuni.

E’ ura di casa, ncodhu la zappa
e ti ncamini pu’ lu pagghiaru:
appena fini tutta la tappa
arrivi e t’assetti ‘o focularu
e tuttu tagghiatu a curupuni(11)
ti menti e cacci li cozettuni.

La to’ mugghieri tutta mpresciata(12)
quantu mu caccia chidha cucina,
dici: mbuccamundi sta vuccata
mu sindijamu nta la jacina.(13)
Ca vorria prestu mu s’addormenta
pe’ chidhu sonnu chi la turmenta.

Ma idha si nsonna o chiecchiarija;
chi cosa pensa na sbamcata,
ca vorria pensu mu si ricrija
d’int’a lu lettu ch’eni malata?
D’int’a lu lettu po’ ncarrocchiari(14)
sulu u’ medicu la pò sanari.

Po’ zappaturi abbasta la zappa
mu lu cogghi a chiappa di salatu,
la mugghieri amara chi lu ncappa,
sempi ‘a notti ‘u vidi addormentatu;
pari n’agghiru d’int’a la tana
no’ si rivigghia pe’ na simana.

Si vota e gira nta chidha pagghia
si porria fari mu si rivigghia.
s’abbaca mu strica, puru mu ragghia,
ch’è bonu sulu pe’ la gravigghia
E quantu ngegnu nd’ha la mugghieri
pigghia m’appiccia lu candileri.

Dassalu mpaci lu to’ maritu
mo’ ch’è votatu di l’atra via,
vi ch’eni spattu, vi ch’è sponitu,
nommu si sputti puru cu tia...
vi ch’è strudutu cu lu zappari,
a’ mu t’arranci...dassalu stari!

Tuttu lu jornu, ndi mina botti,
pista e rispista finna a sira
e tu vorristi puru la notti
sempi mu mina, mai mu respira;
tantu si ngorda di la fatiga
chi lu cogghisti comu ‘na riga.

Si ti pigghiasti lu zappaturi
puru a ritegnu a’ mu fai la spisa;
senza l’aiutu di corchi gnuri
no’ t’allungasti mai la cammisa.
Pe’ la mugghieri sugnu doluri:
chista è la vita d’u’ zappaturi.